Вучоны распавёў, як праца ўплывае на сямейныя стасункі

Чым цяжэй працоўны дзень, тым большы клопат мужчына праяўляе да сям'і дома.

Амерыканскі антраполаг Бенджамен Трамбле ўсталяваў, што цяжкі працоўны дзень мужчыны паляпшае сямейныя стасункі ўвечары. Даследаванне апублікаванае ў часопісе The Royal Society. За аснову навуковец узяў прыклад балівійскіх абарыгенаў.

Падчас даследавання вучоны вымераў узровень гармонаў у арганізме абарыгенаў-паляўнічых. Былі ўзятыя пробы сліны перад сыходам на паляванне - раніцай, падчас палявання і пасля, піша korrespondent.net.

Высветлілася, што чым цяжэйшым быў працоўны дзень, тым большы клопат ён выяўляў да сям'і дома.

Антраполаг тлумачыць гэта выпрацоўкай гармонаў тэстастэрону (асноўны мужчынскі палавы гармон, які звязаны з агрэсіўным паводзінамі і спаборніцтвам) і аксітацыну (гармон, які адказвае за каханне, клопат і ўзаемадапамога).

Выявілася, што чым вышэй узровень тэстастэрону ўздымаўся ўдзень, тым больш выпрацоўвалася і аксітацыну ўвечары.

Раней меркавалася, што тэстастэрон і аксітацын канфліктуюць паміж сабой, аднак гэты прыклад паказвае іх узаемадзеянне, што тлумачыцца сацыяльнымі функцыямі. Так, удзень паляўнічы павінен быць агрэсіўны, але дома, наадварот, яму варта клапаціцца пра блізкіх.

Аднак цяжка сказаць, наколькі гэта даследаванне актуальна ў выпадку з офіснымі супрацоўнікамі, для якіх характэрная манатонная праца.