У цэнтры Віцебска ўсталявалі білборд у гонар Мікалая Радзівіла Чорнага
26- 23.03.2015, 9:32
- 16,661
На білбордзе размешчаны партрэт канцлера Вялікага Княства Літоўскага, які спыніў уварванне маскоўскіх войскаў у час Лівонскай вайны.
Ён усталяваны каля Лядовага палаца ў Віцебску, піша сайт «Народныя навіны Віцебска».
Сучаснікі называлі гэтага чалавека «некаранаваным каралём». У 1549 годзе Мікалай Радзівіл Чорны ўдзельнічаў у баявых дзеяннях супраць татараў на Валыні. У 1550 атрымаў пасаду канцлера Вялікага Княства Літоўскага. Кіраваў літоўскім атрадам падчас перамогі над маскоўскімі войскамі ў бітве пад Чашнікамі. Дзяржаўны дзеяч клапаціўся пра асвету народа, адкрыў друкарні ў Нясвіжы і Берасці. У адной з іх працаваў Сымон Будны.