Прэзідэнт Літвы падпісала закон аб вяртанні армейскага прызыву

Прэзідэнт Літвы Даля Грыбаўскайтэ падпісала закон аб вяртанні армейскага прызыву ў 2015 годзе, паведамляецца на сайце кіраўніцы дзяржавы.

«Вяртанне сталай абавязковай пачатковай вайсковай службы - важны і значны крок ва ўмацаванні абараназдольнасці дзяржавы», - гаворыцца ў паведамленні і адзначаецца, што грамадзяне Літвы гатовыя абараняць сваю бацькаўшчыну, а гарантаванне нацыянальнай бяспекі з'яўляецца найважнейшым прыярытэтам дзяржавы.

Закон прадугледжвае часовае (на 5 гадоў) увядзенне абавязковай вайсковай службы. У гэтым годзе плануецца прызваць да 3,5 тысяч чалавек, першы прызыў адбудзецца восенню 2015 года, піша «Інтэрфакс».

Пра намер прыбалтыйскай дзяржавы вярнуць абавязковую службу ў войску стала вядома ў лютым 2014 года. Са слоў Грыбаўскайтэ, неабходнасць у такіх зменах прадыктаваная геапалітычнай сітуацыяй.