ЗША і Іран пачалі новы раўнд перамоваў у Жэневе

Дзяржсакратар ЗША Джон Кэры і кіраўнік МЗС Ірана Джавад Зарыф сустрэліся ў Швэйцарыі, адкрыўшы новы раўнд перамоваў аб іранскай ядзернай праграме.

Да 31 сакавіка прадстаўнікі "шасцёркі" міжнародных пасярэднікаў у пытанні аб ядзернай праграме Ірана павінны выпрацаваць агульныя параметры пагаднення, якое задаволіць усіх і паслужыць падставай да зняцця санкцый з Тэгерана, паведамляе BBC.

Калі пагадненне ўдасца падпісаць, у бакоў будзе час да чэрвеня для абмеркаванняў тэхнічнага боку ўгоды.

З моманту ўкладання папярэдняга пагаднення ў 2013 годзе бакі двойчы прадаўжалі тэрміны сканчэння перамоў.