Вайскоўцам забаранілі трымаць рукі ў кішэнях і паліць ідучы
26- 26.03.2015, 19:02
- 34,619
А на тых, хто адмовіўся ад прыняцця прысягі цяпер могуць накладаць дысцыплінарны арышт.
У Беларусь увайшоў у дзеянне ўказ ад 4 верасня 2014 №432, які ўнёс змены ў агульнавайсковыя статуты Ўзброеных Сіл, паведамляе БелТА.
Прававы акт быў падрыхтаваны ў сувязі з неадпаведнасцю асобных пунктаў агульнавайсковых статутаў Узброеных Сіл Беларусі арганізацыйнай структуры Узброеных Сіл і заканадаўчым актам Рэспублiкi Беларусь у вайсковай сферы. За час існавання выдадзеных у 2001 агульнавайсковых статутаў змены і дадаткі ў іх уносіліся восем разоў. Наспела патрэба у іх новай рэдакцыі, патлумачылі ў Мінабароны.
У новай рэдакцыі статута ўнутранай службы ўведзеная норма, якая забараняе вайскоўцам пры нашэнні вайсковай формы адзення трымаць рукі ў кішэнях, а таксама паліць ідучы і ў месцах, якія не адведзеныя для гэтага. У папярэдняй рэдакцыі гэтыя нормы насілі рэкамендацыйны характар.
Акрамя таго, са статута ўнутранай службы выключаны шэраг пунктаў у дачыненні да вайскоўцаў, якія не прынеслі прысягу.
"Тым самым выключанае дваякае тлумачэнне нормы: у законе "Аб вайсковым абавязку і вайсковай службе" існуе толькі адное абмежаванне - вайскоўцы, якія не прынеслі вайсковую прысягу, не могуць прыцягвацца да выканання баявых задач. У агульнавайсковых статутах, якія былі выдадзеныя раней, чым апошняя рэдакцыя закона, існавалі дадатковыя абмежаванні: такіх вайскоўцаў не маглі прызначаць на вайсковыя пасады, накладаць на іх дысцыплінарны арышт, даваць звальненне з вайсковай часці. Таму ў сувязі з заклікам асоб, якія з рэлігійных перакананнях адмаўляліся прымаць вайсковую прысягу, узнікала шмат пытанняў падчас праходжання імі вайсковай службы", - растлумачылі ў вайсковай установе.