Сэйм Літвы ўхваліў стварэнне супольнай брыгады з Польшчай ды Украінай
3- 26.03.2015, 21:38
- 4,637
Васковае падраздзяленне будзе ўдзельнічаць у аперацыях пад эгідай ААН, NATO і ЕЗ, а таксама ў рамках розных кааліцый.
Літоўскі Сэйм ратыфікаваў пагадненне аб стварэнні супольнай літоўска-польска-ўкраінскай брыгады. Пастанову аб ратыфікацыі падтрымалі 73 дэпутаты, піша "Лiга.нет".
"Мяркуецца, што супольная брыгада будзе задзейнічаная з мэтай вайсковай падрыхтоўкі, абмену досведам паміж трыма дзяржавамі, а таксама паглыблення супрацоўніцтва", - цытуе літоўскага міністра абароны Юозаса Алекаса Polskie radio.
Вайсковае падраздзяленне будзе ўдзельнічаць у аперацыях пад эгідай ААН, NATO і ЕЗ, а таксама ў рамках розных кааліцый ў адпаведнасць з статутам ААН і пагадненнямі, якія былі падпісаныя паміж дзяржавамі, што прапануюць свае сілы.
Трохбаковае пагадненне аб стварэнні ЛітПолУкрБрыг з камандным штабам у Любліне было падпісанае ў верасні мінулага года.
Вярхоўная Рада Украіны першай ратыфікавала пагадненне аб яе стварэнні. Надоечы гэта зрабіў таксама і польскі Сэйм.