Дэпутат Бундэстага: Мы павінны змагацца супраць расейскай прапаганды

Норберт Рэттген заклікаў выявіць супраціў расейскай інфармацыйнай прапагандзе.

"Расейская прапаганда імкнецца падзяліць нас. Мы павінны змагацца супраць гэтага", - сказаў дэпутат бундэстага ад Хрысціянска-дэмакратычнага саюза Deutsche Welle.

Норберт Рэттген, які ўзначальвае камітэт парламента ФРГ знешняй палітыкі, абвінаваціў расейскае дзяржаўнае тэлебачанне ў прапагандысцкім распаўсюдзе фальсіфікаванай інфармацыі, ажыўленні старых і канструяванні новых вобразаў ворага сярод насельніцтва краіны. Але і ў Еўропе многія людзі таксама ўспрымальныя расейскай прапагандзе, мяркуе палітык.

На думку дэпутата, тыя стужкі, што дэманструе тэлебачанне Расеі, у Нямеччыне не спрацуюць. Таму "методыка тэлеканала Russia Today больш тонкая" - для замежнага гледача расейская прапаганда маскіруецца пад выглядам "крыніцы, альтэрнатыўнага заходнім медыя".

У якасці адказных дзеянняў Рэттген прапануе "узмацніць еўрапейскія міжнародныя медыя: Deutsche Welle, BBC International, RFI". Прапагандзе можа быць супрацьпастаўлены толькі "ідэал аб'ектыўнага, асветніцкага і плюралістычнага асвятлення падзей", падкрэсліў дэпутат бундэстага.