У Варшаве пратэставалі супраць запрашэння Лукашэнкі на саміт у Рыгу

У польскай сталіцы беларусы пікетавалі амбасаду Латвіі.

Акцыю арганізаваў рух салідарнасці «Разам».

Удзельнікі пратэставалі супраць магчымага запрашэння Лукашэнкі на саміт «Усходняга партнёрства», які адбудзецца 21-22 траўня ў Рызе, паведамляе «Радыё Рацыя».

Удзельнікі акцыі выйшлі да амбасады з плакатамі «Не дапусцім легітымізацыі дыктатуры!». Актывісты адзначаюць, што яны за супрацоўніцтва Беларусі і ЕЗ, але супраць кантактаў з дыктатарам, які дагэтуль трымае палітвязняў у турмах.

Падчас пікету ўдзельнікі перадалі ў амбасаду Латвіі адпаведны зварот.

Фота і відэа: Аляксандр Кумпан