Сорас гатовы інвеставаць ва Украіну мільярд даляраў
6- 30.03.2015, 10:44
- 12,194
Вядомы амерыканскі фінансіст і інвестар Джордж Сорас заявіў, што можа ўкласці мільярд даляраў ва ўкраінскую эканоміку.
Заснавальнік і кіраўнік міжнароднай дабрачыннай арганізацыі Open Society Foundations Джордж Сорас адзначыў у інтэрв'ю аўстрыйскаму выданню Der Standard, што ў яго ёсць канкрэтныя інвестыцыйныя ідэі ў сельскай гаспадарцы або інфраструктурных праектах ва Украіне, піша liga.net.
Журналіст выдання правёў паралель паміж Сорасам і заснавальнікам Майкрасофт Білам Гейтсам, які ўклаў мільярды даляраў у развіццё Афрыканскага кантынента. На ягонае пытанне аб тым, мог бы Сорас стаць такім жа узорам для пераймання, толькі ў дачыненні да Украіны, той адказаў: «Я гатовы».
«У мяне ёсць канкрэтныя інвестыцыйныя ідэі, напрыклад, (укладання) у сельскую гаспадарку або інфраструктурныя праекты. Я б уклаў мільярд даляраў», - удакладніў ён.
Нагадаем, што некалькі тыдняў таму Рада дырэктараў Міжнароднага валютнага фонду ўхваліла чатырохгадовую праграму фінансавай дапамогі Украіне ў суме $17,5 млрд.