Ва «Укрнафты» і «Укртранснафты» будзе замежны мэнэджмэнт

Прэм'ер-міністр Украіны Арсеній Яцанюк даў даручэнне склікаць агульны сход акцыянераў кампаніі.

На ім неабходна будзе развязаць, як размеркаваць дывідэнды і як напоўніць казну. Пра гэта заявіў прэм'ер-міністр Украіны Арсеній Яцанюк у інтэрв'ю ICTV, каментуючы нядаўнія канфлікты вакол кампаній.

«Новы падыход дзяржавы да дзяржаўных кампаніяў - «Укрнафта», «Укртранснафта», «Укртатнафта» і ўсіх: дзяржава аднаўляе сваё кіраванне. Мы ставім новы якасны замежны мэнэджмант. Мы паважаем правы іншых акцыянераў. Мы атрымліваем і размяркоўваем дывідэнды. У «Укрнафта» будзе новае кіраўніцтва, якое павінна выбірацца за кошт міжнароднага аўдыту з прафесійных людзей, якія маюць сур'ёзную міжнародную рэпутацыю», - заявіў прэм'ер-міністр.

Яцанюк нагадаў, што даў даручэнне склікаць агульны сход акцыянераў кампаніі «Укрнафта» і іншых кампаній, дзе неабходна развязаць, як размеркаваць дывідэнды і напоўніць казну. Ён адзначыў, што ўсе кіраўнікі дзяржаўных кампаній цяпер будуць прызначацца толькі на адкрытым конкурсе ў жывым эфіры.

Нагадаем, 19 сакавіку Вярхоўная Рада з пятай спробы знізіла кворум для правядзення сходаў акцыянераў, што дазваляе дзяржаве прымаць ключавыя пастановы ў кампаніі «Укрнафта», у якой групе «Прыват» Ігару Каламойскаму належаць 42% акцый.

24 сакавіка прэзідэнт Украіны Пятро Парашэнка прыняў адстаўку губернатара Днепрапятроўскай вобласці Ігара Каламойскага. Указ аб звальненні губернатара Парашэнка падпісаў на сустрэчы з Каламойскім у Адміністрацыі прэзідэнта. Гэтаму папярэднічаў канфлікт з Каламойскім што да кампаній «Укртранснафта» і «Укрнафта».