Шэсць караблёў NATO ўвайшлі ў Чорнае мора

У Чорнае мора ўвайшлі шэсць караблёў NATO, якія правядуць вучэнні з ВМС Балгарыі, Румыніі і Турцыі.

Пра гэта паведамляе прэс-служба альянсу, піша «Лiга.нет».

Караблі ўваходзяць у другую марскую паходную групу NATO, у яе складзе вайсковыя караблі шасці краін - Vicksburg (ЗША), Fredericton (Канада), Turgutreis (Турцыя), Spessart (Нямеччына), Aliseo (Італія), Regina Maria (Румынія).

Падчас вучэнняў будуць адпрацоўвацца практыкаванні ў абароне ад нападаў з паветра і ад тарпедных нападаў субмарын.

«Падрыхтоўка і вучэнні, якія мы праводзім з нашымі саюзнікамі ў Чорным моры, падтрымліваюць нашу гатоўнасць да любой місіі NATO, якая можа спатрэбіцца, каб выканаць свае абавязацельствы ў рамках калектыўнай абароны», - заявіў начальнік паходнай групай адмірал Вільямсан.

Нагадаем, 8 лютага ў Чорнае мора ўвайшоў ракетны эсмінец ЗША USS Cole (DDG-67).