Бабчанка: Калі Лукашэнка добры, што ж ты па 12 гадзін мяхі цягаеш у чужой краіне?
30- 6.03.2015, 12:35
- 55,992
Вядомы расейскі журналіст распавёў гісторыю аб сустрэчы з беларускімі і малдаўскімі гастарбайтэрамі.
Гісторыю Аркадзь Бабчанка апублікаваў у «Фэйсбуку».
«Прыязджалі грузчыкі. Раней ад гэтай фірмы прыязджалі таджыкі. Цяпер - малдаванін і беларус. Таджыкі, мабыць, скончыліся зусім канчаткова.
Малдаванін. Галоўны ў гэтай пары. Заробак - тысяча дзвесце у дзень:
- Я раней Пуціна крытыкаваў, а потым паглядзеў - ён шмат чаго добрага зрабіў.
Што менавіта ён добрае зрабіў, не змог сказаць.
Беларус. Заробак - пяцьсот рублёў у дзень. Павінна быць тысяча, але пяцісотку яму кідаюць:
- Пуцін добры. І Лукашэнка ў нас таксама добры.
Калі Лукашэнка добры, што ж ты па дванаццаць гадзін у дзень на гарбу мяхі з цэментам цягаеш ў рабстве ў чужой краіне за восем даляраў за змену? Пяцьдзесят цэнтаў у гадзіну?
Усё ж такі Кісялёў з Эрнстам сваё бабло нездарма атрымліваюць.
Зомба-скрыня - гэта сіла, нічога не скажаш», - напісаў журналіст.