Лукашэнка: Сітуацыя ў прамысловасці не паляпшаецца
44- 6.03.2015, 15:00
- 31,637
Дыктатар запатрабаваў ад міністра прамысловасці далажыць аб тым, што робіцца для вываду галіны з крызісу.
З ягоных слоў, з усіх галін, у якіх склалася неспрыяльная сітуацыя, больш за ўсё турбуе Мінпрам, піша АФН.
«Яшчэ раз хачу падкрэсліць: у гэтым годзе я не патрабую ад урада, каб быў забяспечаны прарыў, быў дзікі прырост прадукцыі. Проста, зразумела было сказана: не пагоршыць сітуацыю. Аднак, паводле вынікаў студзеня яна не палепшылася», - заявіў сёння Лукашэнка на нарадзе з удзелам дырэктараў найбуйнейшых прадпрыемстваў Беларусі. - Прадпрыемствы (Мінпрама) займаюць 5-ю частку ўсёй прамысловай вытворчасці Беларусі. Больш за палову прадукцыі накіроўваецца на экспарт. Пры гэтым апошнім часам гэтыя прадпрыемствы сур'ёзна адстаюць і цягнуць уніз усю беларускую эканоміку».
Ён сказаў, што яго цікавіць, што робіцца на месцах і якая сітуацыя ў працоўных калектывах.
«Развагі пра тое, як цяжка і што вы будзеце рабіць паслязаўтра, тут абсалютна не патрэбныя. Мне патрэбны канкрэтны вынік», - заявіў Лукашэнка.
Ён чарговым разам папярэдзіў аб недапушчальнасці нарошчвання дэбіторскай запазычанасці.