Litesound знялі кліп з «прыхаднямі» (Відэа)

Гурт Litesound прэзэнтаваў кліп на песню «UFO», якая стала афіцыйнай гукавай дарожкай да шоў братоў Запашных.

- Для нас вялікі гонар працаваць з артыстамі такога маштабу, і мы спадзяемся, што тандэм браты Запашныя-браты Каракіны знойдзе свой працяг у новых супольных праектах, - кажуць музыкі Litesound. - Хай гэты кліп стане прыемным напамінам пра мінулыя гастролі Вялікага Маскоўскага дзяржаўнага цырка ў Менску на пачатку студзеня не толькі для ўсіх тых, каму пашчасціла пабываць на паказе, але і для выдатных артыстаў гэтага шоў.

Рэжысёрам відэа выступіў адзін з удзельнікаў Litesound Уладзімір Каракін. Паводле сюжэту кліпа саліста Litesound Дзмітрыя Каракіна выкрадаюць прыхадні.