Skoda прэзентавала ў Жэневе спартыўную мадэль Monte Carlo

Аўтамабіль стаў новай мадыфікацыяй Fabia.

Кампанія Skoda у рамках Жэнеўскага аўтасалона прэзентавала новую мадыфікацыю Fabia пад назвай Monte Carlo. Аўтамабіль будзе даступны з кузавам хэтчбэк і ўніверсал.

Навінка абсталёўваецца 1,2-літровым бензінавы рухавіком TSI магутнасцю 110 к.с. або 1,4-літровым дызельным агрэгатам TD, магутнасць якога складае 105 к.с., піша «Корреспондент».

Skoda Fabia Monte Carlo атрымаў больш агрэсіўны дызайн, чым звычайная версія, а таксама спартыўную падвеску. Акрамя гэтага, у аўтамабілі ўсталяваная танаваная шыба і панарамны дах. У салоне з'явіліся спартыўныя сядзенні, а таксама новае стырнавое кола.

Нагадаем, абноўленая Skoda Fabia была прэзентаваная ў аўтасалоне ў Парыжы. Базавая версія мадэлі атрымала 1,0-літровы бензінавы матор з трыма цыліндрамі магутнасцю 74 к.с.