Баевікі «Ісламскай дзяржавы» атакавалі пасольства Паўднёвай Карэі ў Трыпалі
1- 12.04.2015, 13:20
- 6,217
Група ўзброеных баевікоў з арганізацыі «Ісламская дзяржава» атакавала пасольства Паўднёвай Карэі ў лібійскай сталіцы.
Група ўзброеных невядомых людзей, праязджаючы паз паўднёвакарэйскую дыпмісю ў цэнтральнай частцы горада, адкрыла агонь па будынку. У выніку былі забітыя двое ахоўнікаў, адзін атрымаў раны, піша Lenta.ru.
Паводле інфармацыі супрацоўніка службы бяспекі Мабрука Абу-Бакра, атаку ўчынілі баевікі групоўкі «Ісламская дзяржава», але яму не вядомыя іх матывы.
Раней у Трыпалі ўжо адбываліся такія напады, пад іх патрапілі амбасады Егіпта, Аб'яднаных Арабскіх Эміратаў, Расеі.
Лібійская сталіца Трыпалі са жніўня 2014 знаходзіцца ў руках ісламісцкай групоўкі «Рассвет Лібіі», не падпарадкавальнай міжнародна прызнанаму ўраду, які збег на ўсход краіны ў Тобрук. Паведамлялася, што ў горадзе рэгулярна адбываюцца перастрэлкі і выбухі, а таксама забойствы і выкраданні людзей.