Хакеісты нацыянальнай каманды Беларусі перамаглі гульцоў Славаччыны ў булітах

Хакеісты нацыянальнай каманды Беларусі прадаўжаюць серыю таварыскіх сустрэч, якія папярэднічаюць выступленню на чэмпіянаце свету-2015 у Чэхіі.

Сёння, сустракаючыся са спаборнікамі з нацыянальнай каманды Славаччыны на іх пляцоўцы ў Кошыцэ ў матчы Еўрапейскага хакейнага выкліку ("Еўрачэленджа"), падапечныя Дэйва Льюіса ў булітах перамаглі гаспадароў, паведамляе БелТА.

Славаччына - Беларусь - 4: 5 (у булітах) (1: 2, 2: 0, 1: 2, 0: 0, 0: 1).

Беларусь: Брыкун; Стасенка - І.Усенка, Гаўрусеў - Калюжны - А.Касціцын; Корабаў - Гарошка, А.Сцяпанаў - Кавыршын - Кулакоў; Лісавец - Усціненка, Дрозд - Кітараў - Дзямагін; Яфіменка - Волкаў - Дзямкоў; Караў.

Славаччына: Ю.Гудачак; Баранка - Падхрадскі, Надзь - Марцінка - Я.Сікора; Мікуш - Дзялога, Цібор - Вядзенскі - М.Міклік; Граняк - Чэрэшняк, Бартавіч - Блізняк - Л.Гудачэк; Яношык - Юрчына, Чэларык - Лушняк - Гашчак; Вандас.

Шайбы: 1: 0 - Баранка (Надзь, Марцінка, 0.13), 1: 1 - Калюжны (А., 1.02, у большасці), 1: 2 - Кавыршын (Дрозд, Кулакоў, 19.31), 2: 2 - Дзялога ( М.Міклік, 21.41, у большасці), 3: 2 - М.Міклік (Вядзенскі, Мікуш, 31.40), 3: 3 - А.Сцяпанаў (Яфіменка, 47.21, у большасці), 3: 4 - Дзямагін (Гаўрусеў, А.Касціцын, 50.27, у большасці), 4: 4 - Падхрадскі (55.04), 4: 5 - А.Касціцын (65.00, вызначальны буліт).

Кідкі: 33 - 39.

Галоўны трэнер беларускіх хакеістаў Дэйв Льюіс зноў пайшоў на шэраг экспэрыментаў у складзе сваёй каманды. Найбольш заўважным з іх з'явіўся перавод у цэнтр другога звяна Яўгена Кавыршына. Форвард пасля закінуў адну з шайбаў.

Агулам абедзве каманды з пачатку матчу пачалі дэманстраваць атакуючы хакей, але пры гэтым хакеісты адразу ж пачалі парушаць правілы і зарабляць выдаленні, што адразу адбілася на выніку. Няўдалы дэбют цалкам мог збянтэжыць гасцей, якія прапусцілі шайбу ўжо на 13-й секундзе, аднак беларусы менш чым праз хвіліну ў большасці адыграліся намаганнямі Аляксея Калюжнага. Развіў поспех на апошняй хвіліне першай трэці матчу Яўген Кавыршын, які забіў гаспадарам так званы "гол у распранальню".

У пачатку другога перыяду Марэк Дзялога закінуў шайбу Ігару Брыкуну, зраўняўшы лікі на табло, а праз 10 хвілін шайба зноў заляцела ў ягоную браму. У трэцяй 20-хвілінцы беларуская каманда прадэманстравала ўпэўненую гульню ў большасці і двойчы рэалізавала колькасную перавагу. На жаль, перамагчы ў асноўны перыяд беларусам не ўдалося. Петэр Падхрадскі перавёў матч у овертайм, аднак і ягоным спаборнікам не хапіла для вызначэння наймацнейшага. Поспех нацыянальнай камандзе Беларусі ўсміхнуўся ў булітных серыях, у якіх славакі ні разу не змаглі закінуць шайбу Ігару Брыкуну.

Падчас падрыхтоўкі да чэмпіянату свету-2015 падапечныя Дэйва Льюіса ў рамках Еўрапейскага хакейнага выкліку 18 красавіка зноў сустрэнуцца з нацыянальнай камандай Славаччыны на яе пляцоўцы. Паўторная сустрэча адбудзецца ў Попрадзе. Скончыць праграму Еўравыкліку нацыянальная каманда Беларусі хатнімі матчамі супраць нарвежцаў 24 красавіка ў Менску і 25 красавіка ў Салігорску. Першы матч на чэмпіянаце свету беларусы згуляюць 2 траўня з хакеістамі нацыянальнай каманды Славеніі.