«Пуцін - гэта Гітлер. Расейцы, мы забіваем»: як у Маскве людзі выйшлі за Украіну

У Маскве 19 красавіка прайшла акцыя ў падтрымку Украіны пад назвай "За мір і свабоду".

Блізу сотні актывістаў выйшлі на вуліцы, каб выказаць пратэст супраць вайны ва Украіне і заклікаць расейскую ўладу вызваліць Надзею Саўчанку, паведамляе obozrevatel.com.

Удзельнікі акцыі раздавалі людзям газеты і белыя стужачкі з надпісам "Змагайся".

Актывісты выйшлі з плакатамі "Пуцін - гэта Гітлер сёння", "Расейцы! Гэта мы забіваем і саджаем найлепшых! Аднаму такое не пад сілу!", "Не вайне з брацкай Украінай", "Марыупаль - гэта Украіна", "Не можа быць вольны народ, які прыгнятае іншыя народы" і г. д.