Арсеній Яцанюк: Акцыі пад Радай - спроба дэстабілізацыі сітуацыі ў краіне
3- 24.04.2015, 21:20
- 11,868
Акцыі пратэсту шахцёраў - гэта спроба дэстабілізаваць сітуацыю ў краіне.
Пра гэта прэм'ер-міністр Украіны Арсеній Яцанюк сказаў падчас працоўнай паездкі па Кіеўскай вобласці, паведамляе УНІАН.
"Адной з прычын акцый пратэсту шахцёраў з'яўляецца спроба дэстабілізацыі сітуацыі ў краіне. Вядома, хтосьці спрабуе дэстабілізаваць сітуацыю, - сказаў кіраўнік урада Украіны. - Аднак гэтыя спробы асуджаныя на паразу, калі мы будзем эфэктыўна працаваць".
Такой эфектыўнай працай Яцанюк назваў пільнае правядзенне рэформы вугальнай галіны.
"Я ацэньваю сітуацыю ў вугальнай галіне як крытычную. Без праграмы рэформаў выправіць сітуацыю будзе немагчыма... А шахцёры будуць стаяць вечна", - сказаў Яцанюк.
23 красавіка каля Вярхоўнай Рады Украіны праходзіў мітынг шахцёраў, якія патрабавалі ад улад выплаціць запазычанасці за заробкі, а таксама адправіць у адстаўку міністра энэргетыкі Уладзіміра Дзямчышына.
22 красавіка блізу 500 шахцёраў пікетавалі будынак урада ў цэнтры Кіева, патрабуючы развіцця вугальнай прамысловасці, захавання шахтаў, выплаты заробкаў ды іншых сацыяльных выплат.