Новыя банкноты 20 еўраў з'явяцца ўвосень

З 25 лістапада гэтага года цэнтральны банк еўразоны выпусціць у абарачэнне купюры 20 еўра.

Пра гэта паведамляе агенцтва BNS, піша «Інтэрфакс».

На новай банкноце - выява міфалагічнай дачкі фінікійскага цара Еўропы. Яна скапіяваная з малюнка на антычнай вазе-кратары, што захоўваецца ў парыжскім Луўры.

У сваю чаргу, як адзначае Deutsche Welle, выпуск праходзіць у рамках праграмы паступовай замены старых грашовых знакаў новымі купюрамі, што маюць больш моцную абарону ад падробак. У гэты момант у абарачэнні ўжо знаходзяцца новыя купюры вартасцю 5 і 10 еўраў, уведзеныя ў абарачэнне адпаведна ў траўні 2013 года і верасні 2014 гадоў.

На гэты раз ЕЦБ улічыў досвед двух папярэдніх выпускаў і дасць вытворцам праверачных, гандлёвых ды іншых аўтаматаў, якія працуюць з гатоўкай, больш часу на іх пераналадкі - да канца лістапада гэтага года, калі банкі пачнуць іх выдачу. Вытворцам аўтаматаў і сэрвісным фірмам будуць загадзя дадзеныя ўзоры.

Тэрмін дзеяння старых банкнот не абмяжоўваецца, з абарачэння яны будуць выводзіцца паступова.

Старая 20-еўравая купюра ўваходзіць у лік грашовых знакаў адзінай еўрапейскай валюты, якія найчасцей падрабляюць.