Financial Times: Для будучыні Еўропы Украіна цяпер важнейшая за Грэцыю

Украіна выстаіць, калі рэструктурызуе запазычанасць і атрымае дапамогу ад ЕЗ.

Калі Украіна пацерпіць паразу як дзяржава, ці Расея будзе далей анэксаваць яе тэрыторыі, гэта зацьміць усе асцярогі Еўразвязу з нагоды дэфолту Грэцыі, піша The Financial Times (пераклад - zn.ua).

«Найбольш небяспечнай пагрозай для будучыні ЕЗ цяпер з’яўляюцца не праблемы сябраў еўразоны. Самая вялікая пагроза для яго геастратэгічных і доўгатэрміновых эканамічных інтарэсаў знаходзіцца ў пагрозе калапсу Украіны, а не Грэцыі. Усё, што мы маглі б думаць пра дэфолт Грэцыі, усё гэта нішто ў параўнанні з пагрозай таго, што Украіне можа не ўдасца пабудаваць дзяржаву, або будзе адбывацца далейшая анэксія Расеяй яе тэрыторый. Для ўсяго свету гэта будзе азначаць, што ЕЗ хранічна не ў стане адстойваць свае і агульныя інтарэсы», - піша аўтар артыкула. «Рэальная пагроза Еўропы знаходзіцца ва Украіне, а не ў Грэцыі».

Дэфолт Грэцыі, вядома, стаў бы «бедствам» для Афін, краіна панясе велізарныя фінансавыя і рэпутацыйныя страты для ЕЗ. Таму звязу варта прадухіліць яго. Але дэфолт Грэцыі не разбурыць валютны звяз, і можа нават палепшыць яго ў доўгатэрміновай перспектыве. «Але поспех або няўдача палітыкі ЕЗ у дачыненні да Расеі і Украіны можа «разбіць «ЕЗ», - гаворыцца ў паведамленні.

Апошнія эканамічныя звесткі паказваюць падзенне прамысловай вытворчасці ва Украіне на 21,1% у сакавіку, у параўнанні з сакавіком 2014 года, калі Расея далучыла да сябе Крым. Нацбанк Украіны паведамляе, што УБП у першым квартале 2015 абрынуўся на 15% у параўнанні з аналагічным перыядам летась. Прагноз гадавой інфляцыі складае 35%. Калі першая рата праграмы Міжнароднага валютнага фонду была дадзеная Украіне ў сакавіку, золатавалютныя рэзервы скараціліся ўсяго толькі да $5 млрд. НБУ, як піша выданне, бачыць некаторыя эканамічную стабілізацыю наперад, але гэта будзе залежаць ад лёсу пагаднення аб спыненні агню.

З пункту гледжання ЕЗ, урад прэм'ер-міністра Арсенія Яцанюка праводзіць адміністрацыйныя рэформы. Гэта з'яўляецца часткай палітычнага кансенсусу ў ЕЗ, так як еўрапалітыкі бачаць магчымасці для эканомікі праз структурныя рэформы. Новы ўрад відавочна наважыў стварыць такую інфраструктуру, і дамогся прагрэсу ў барацьбе з карупцыяй, мяркуе аўтар артыкулу.

«Але эканамічныя выдаткі на вайну ва Усходняй Украіне і безгаспадарчасць папярэдніх адміністрацый ставіць Украіну на мяжу банкруцтва», - уважае выданне. Як гаворыцца ў артыкуле, цяпер трэба зрабіць дзве рэчы. Па-першае, Украіне трэба дамовіцца аб жорсткай рэструктурызацыі запазычанасці. Па-другое, краіне патрэбна больш фінансавай дапамогі ад ЕЗ. Андэрс Аслунд, старшы навуковы работнік Інстытута Петэрсана (ЗША), пісаў, што Украіна мае геастратэгічнае значэнне для ЕЗ». З рэструктурызацыяй запазычанасці, а таксама прыхільнасцю падтрымкі з боку ЕЗ, Украіна можа выбрацца. Для ЕЗ Украіна з'яўляецца не толькі патэнцыйна прывабнай для інвестыцый, але, што яшчэ больш важна, гэта ўнікальная магчымасць умацаваць сваю геастратэгічнага ролю», - рэзюмуе аўтар.