Самалёт з Менска не змог прызямліцца ў Шарамеццева праз туман

Туман у аўторак раніцай стаў прычынай сыходу на запасныя аэрадромы 30 самалётаў з маскоўскага аэрапорта Шарамеццева.

У тым ліку не змаглі прызямліцца ў запланаваным пункце 24 рэйсы авіякампаніі «Аэрафлот», паведамілі РІА «Новости» у Расавіяцыі, «Аэрафлоце» і Шарамеццева.

«Сёння раніцай 30 паветраных суднаў праз цяжкія ўмовы надвор'я (туман) сышлі на запасныя аэрапорты ва Унукава, Дамадзедава, Ніжні Ноўгарад, Менск і Казань», - заявілі агенцтву ў Расавіяцыі.

Афіцыйны прадстаўнік «Аэрафлот» паведаміў, што на запасныя аэрадромы сышлі 24 самалёты, што належаць авіякампаніі, з іх 10 лайнераў прызямліліся ў Ніжнім Ноўгарадзе, сем - у Санкт-Пецярбург. Па два рэйсы прымалі маскоўскія аэрапорты Дамадзедава і Унукава, яшчэ два адправіліся ў аэрапорт Казань. Адзін лайнер вярнуўся ў аэрапорт Менска.

Са слоў прадстаўніка Шарамеццева, цяпер магчымыя затрымкі і пераносы, паколькі паветраныя судны вяртаюцца ў аэрапорты вылетаў.

Паводле звестак крыніцы, аэрапорт увойдзе ў звычайны расклад да 12:30 паводле маскоўскага часу. У той жа час ён асабліва падкрэсліў, што з 8:00 Шарамеццева працуе ў штатным рэжыме.