Польшча і Нямеччына адправяць «гуманітарны канвой» ва Украіну
3- 28.04.2015, 16:52
- 18,442
Варшава і Берлін маюць намер адправіць ва Украіну агульны «гуманітарны канвой», каб «перамагчы ў прапагандысцкай вайне ва Украіне».
Пра гэта піша польскае выданне Gazeta Wyborcza, паводле вынікаў перамоваў канцлеркі ФРГ Ангелы Мэркель і прэм'ера Польшча Эвы Копач, паведамляе «Украінская праўда».
«Занадта доўга мы аддавалі поле Расеі. Не можа так быць, каб дапамога для людзей, якіх закранула вайна, паступае выключна з Расеі. Еўропа, і Украіна, павінны быць больш актыўнымі», - заявіў выданню ўдзельнік сустрэчы Мэркель і Копач.
Кіраўнікі ўрадаў Нямеччыны і Польшчы «мяркуюць, што трэба нарэшце перамагчы ў прапагандысцкай вайне ва Украіне і пазбавіць падтрымоўваных Расеяй усходне-ўкраінскіх паўстанцаў статусу гульца», - піша выданне.
Чакаецца, што польска-нямецкі «канвой» адправіцца ва Украіну ў сярэдзіне траўня.