Расейскі карвет заўважаны паблізу мяжы Латвіі
1- 29.04.2015, 10:28
- 29,715
Карабель знаходзіўся за 13 км ад тэрытарыяльных вод прыбалтыйскай рэспублікі.
Узброеныя сілы Латвіі зафіксавалі ў выключнай эканамічнай зоне краіны расейскі вайсковы карабель, піша zn.ua.
«Узброеныя сілы 29 красавіка зафіксавалі на адлегласці 7 марскіх міль ад латвійскай мяжы супрацьлодачны карабель ВМФ Расеі класа «Карвет», - гаворыцца ў паведамленні Нацыянальных узброеных сіл Латвіі ў Twitter.
Armed Forces on 29 APR in LV EEZ 7 nmi from territ. waters spotted RU Navy's Parchim 2 Class Corvette.
— NBS (@Latvijas_armija) 29 апреля 2015
Паводле звестак Міністэрства абароны, з пачатку гэтага года вайсковыя караблі Расеі былі заўважаныя паблізу ад латвійскіх вод больш за 30 разоў. Так, 20 красавіка ў выключнай эканамічнай зоне Латвіі была заўважаная расейская падлодка, 15 і 21 красавіка - вайсковыя караблі РФ, а дагэтуль, 18 сакавіка, тры субмарыны і вайсковы карабель. Акрамя таго, Міністэрства ўнутраных спраў Латвіі плануе павялічыць лік памежнікаў на мяжы з Расеяй.