Падатак на «дармаедства»: хто вызвалены ад выплаты?

Ці будуць плаціць падатак на дармаедства вайсковыя пенсіянеры, уладальнікі здымных кватэр і фрылансеры?

У чацьвер быў падпісаны дэкрэт аб «папярэджанні сацыяльнага ўтрыманства». Тым, хто не працаваў паўгода ці больш, трэба будзе заплаціць дзяржаве 20 базавых велічынь (3,6 мільёна рублёў). Калі нейкі час на працягу года беларус усё ж такі прапрацаваў, суму выплачанага падатку аднімуць ад падатку на дармаедства, і ён заплаціць менш. А калі ад гэтага збору чалавек вырашыў ухіліцца, то яго чакае штраф у 2 - 4 базавыя (360 - 720 тысяч) або адміністрацыйны арышт з выкананнем грамадска карысных работ, піша «Камсамольская праўда ў Беларусі».

У дэкрэце падрабязна распісана, каму не трэба плаціць падатак на дармаедства. Але разам з тым у дэкрэце ёсць не зусім зразумелыя моманты, якія чыноўнікі, на жаль, пакуль не тлумачаць.

Ці павінны плаціць падатак ...

... Уладальнікі здымных кватэр

Ад падатку вызваляюцца тыя, хто на працягу каляндарнага года ўжо заплаціў 20 базавых велічынь падаткаў. Атрымліваецца, калі вы здаеце кватэру, сумленна плаціце падатак і за год аддалі ў казну мінімум 3,6 мільёна рублёў (той жа падатак на дармаедства), даплочваць што-то яшчэ не трэба.

... Вайсковыя пенсіянеры

Новы падатак не трэба плаціць тым, хто дасягнуў пенсійнага ўзросту - 55 гадоў для жанчын, 60 гадоў для мужчын. Разам з тым у дакуменце гаворыцца, што ад выплаты гэтага збору вызваляюцца і тыя, хто ўжо атрымлівае ад дзяржавы пенсію. Атрымліваецца, што вайскоўцы, якія могуць сысці на заслужаны адпачынак і ў 40 гадоў, дармаедамі лічыцца не будуць.

... Якія працуюць або вучацца ў Расеі

Тых, хто ў гэтым годзе правядзе ў Беларусі менш 183 дзён, ад падатку на дармаедства вызваляць. Але разам з тым у дэкрэце няма ні слова пра тое, як менавіта трэба даказаць гэта падатковай. Да прыкладу, тыя, хто з'язджае на вучобу або заробкі ў Расею, не атрымліваюць на мяжы штамп у пашпарце. Магчыма, каб даказаць адсутнасць на радзіме, ім прыйдзецца браць даведку ў працадаўцы ці ў ВНУ

... Цяжка хворыя

Лісток аб часовай непрацаздольнасці выдаюць толькі тым, хто працуе. Як быць, калі чалавек звольніўся спецыяльна для таго, каб праходзіць доўгае лячэнне, якое не дазваляе яму хадзіць на працу?

- Можна ўзяць даведку аб тым, што вы на працягу пэўнага часу знаходзіліся ў бальніцы, - прапануюць на гарачай лініі Міністэрства аховы здароўя.

Але і такое лячэнне не заўсёды праходзіць у стацыянары. Да прыкладу, тыя, хто лечыцца ад гепатыту С, праходзяць тэрапію амбулаторна. Больш за тое, гэта захворванне лічыцца хранічным, а таму і бальнічны ім не належыць. Атрымліваецца, што нават цяжка хворыя людзі паводле новага дэкрэту ўсё роўна могуць стаць дармаедамі.

... Бацькі інваліда

Пакуль дзіцяці-інваліду не споўнілася 18 гадоў, бацька,які даглядае дзіцёнка, дармаедам лічыцца не будзе. А што потым? Калі гэта інваліднасць I групы, то можна звярнуцца за адпаведнай дапамогай у доглядзе. У гэтым выпадку стаць дармаедам не пагражае. Але калі ў паўналетняга дзіцяці інваліднасць II або III групы, а вы вырашылі ўсё роўна за ім даглядаць і не працаваць, падатак заплаціць прыйдзецца.

... Якія атрымліваюць новую спецыяльнасць

Новы дэкрэт вызваляе ад падатку тых, хто адправіўся на вучобу ў кірунку ад органаў працы, занятасці і сацабароне. Аднак тыя, хто з ўласнай волі вырашыў перавучыцца на іншую спецыяльнасць, падвысіць сваю кваліфікацыю або выдатна вывучыць замежную мову і пры гэтым не працаваць, каб не адцягвацца, усё роўна павінны будуць заплаціць падатак на дармаедства. Атрымліваецца, што за жаданне самарэалізавацца прыйдзецца даплаціць дзяржаве.

... Тыя, чыя зарплата менш 2,3 мільёна

У дэкрэце сказана, што падатак павінны плаціць тыя, хто за год прапрацаваў менш 183 дзён. Аднак у іншым пункце гаворыцца ўжо пра тое, што ад падатку вызваляюцца тыя, хто за год заплаціў не менш за 20 базавых велічынь падатку (напрыклад, падаходнага або адзінага для іпэшнікаў). Ці не атрымаецца, што тым, хто працаваў увесь год, але пры гэтым заплаціў менш 3.600.000 падаходнага падатку, прыйдзецца даплаціць? А гэта ўсё тыя, чыя зарплата - менш за 2,3 млн. У месяц. Адказу на гэтае пытанне пакуль няма

Каму не прыйдзецца плаціць падатак на дармаедства

- Наёмныя работнікі

- Прадпрымальнікам. Але толькі ў тым выпадку, калі за год яны заплацілі больш 3,6 мільёна рублёў падаткаў (усе тыя ж 20 базавых велічынь).

- Тым, хто працуе паводле грамадзянска-прававых кантрактаў - напрыклад, кантрактах падраду. Праўда, за год трэба зарабіць мінімум 70 базавых велічыняў - цяпер гэта 12,6 мільёна рублёў.

- Тым, хто займаецца аграэкатурызмам. Пацвердзіць гэта павінен мясцовы выканкам.

- Тым, хто быў за мяжой больш 183 дзён у годзе - гэта значыць больш за паўгода.

- Маме або тату, якія выхоўваюць дзіця да 7 гадоў, або трох непаўналетніх дзяцей, або дзіця-інваліда да 18 гадоў.

- Студэнтам дзённых аддзяленняў (у гэтым выпадку вучоба лічыцца працай).

- Творчым працаўнікам. Праўда, для гэтага трэба быць чальцом творчага саюза - напрыклад, Саюза пісьменнікаў. Праўда, якога менавіта (у Беларусі іх два) - незразумела.

- Адвакатам і натарыусам.

- Тым, хто знаходзіўся на вайсковай службе, але не менш 183 дзён.

- Тым, хто адбываў пакаранне, але не менш 183 дзён.

- Тым, хто доўга хварэў і можа пацвердзіць гэта бальнічным лістком.

- Тым, хто афіцыйна лічыцца беспрацоўным - гэта значыць ёсць на ўліку ў органах працы, занятасці і сацабароне. Ці ж праходзіць прафесійную падрыхтоўку, перападрыхтоўку ці падвышэнне кваліфікацыі, але толькі паводле кірунку гэтых органаў. Дарэчы, калі на ўліку ў службе занятасці прыдатную працу вам знайсці не могуць, то вы можаце афіцыйна лічыцца беспрацоўным тры гады. А калі працу вам прапануюць, але яна вам не падабаецца, адмовіцца можна толькі два разы. Пасля гэтага з уліку вас здымуць.