Вім Фісет: Азаранка настроеная вельмі рашуча
5- 7.04.2015, 17:55
- 6,879
Бельгійскі спецыяліст Вім Фісет падзяліўся сваімі ўражаннямі ад пачатку супрацоўніцтва з беларускай тэнісісткай Вікторыяй Азаранкай.
Аб гэтым піша gotennis.ru.
«Ужо на старце супольнай працы нам з Вікторыяй удалося наладзіць адзін з адным добры кантакт. Было відавочна, што Азаранка настроеная вельмі рашуча і гатовая прыкласці ўсе намаганні, каб вярнуцца на вяршыню. Упэўнены, што разам мы здолеем дамагчыся выдатных вынікаў», - прыводзіць словы Віма бельгійскі сайт dhnet.be.
«Хачу, каб Вікторыя дзейнічала ў агрэсіўнай манеры. Яна выдатна грае на прыёме, таму мая галоўная задача - палепшыць яе падачу. Акрамя таго, трэба ўмацаваць упэўненасць Азаранкі ў сабе, бо мінулы сезон выявіўся для яе вельмі няпростым», - дадаў Фісет.
Фота: AP