«Рэал» прапанаваў за дэ Хэа блізу 20 мільёнаў еўраў

«Рэал» зрабіў першую прапанову трансфера галкіпера Давіда дэ Хэа.

Паводле інфармацыі Marca, яе сума склала блізу 20 мільёнаў еўраў.

«Манчэстар Юнайтэд» набыў 24-гадовага брамніка за гэтую суму ў 2011 годзе і ў ідэале хацеў бы расстацца з дэ Хэа у суму не менш за 50 мільёнаў, піша by.tribuna.com.

Аднак кантракт дэ Хэа заканчваецца ў 2016 годзе, і брамнік не хоча падаўжаць яго. Такім чынам, патрэба прадаць яго гэтым летам узрастае, на што і разлічвае «Рэал» у перамовах. Мадрыдскі клуб не плануе плаціць за дэ Хэа больш за 30 мільёнаў.

Раней паведамлялася, што «Рэал» ужо дасягнуў дамоўленасці з самім дэ Хэа аб умовах кантракту.