Праз Грэцыю курс еўра да даляра знізіўся да мінімуму

Курс еўра ў дачыненні да даляра абрынуўся да месячнага мінімуму праз адсутнасць інфармацыі аб прагрэсе ў перамовах Грэцыі з міжнароднымі крэдыторамі.

На 14.10 паводле Менску еўра апусціўся на 0,75%, да $1,0903 у параўнанні з $1,0978 на сканчэнне папярэдняй сесіі, піша РБК.

Раней міністр унутраных спраў Грэцыі Нікас Воўтсіс заявіў, што Грэцыя не зможа выплаціць чарговую рату МВФ у чэрвені, бо ў краіны няма на гэта грошай.