«Мілавіца» перайшла на трохдзёнку

На прадпрыемстве ўведзены трохдзённы працоўны тыдзень, а некаторыя работнікі адправіліся ў траўні на «вакацыі».

Пра гэта «Ежедневнику» паведаміла гендырэктарка кампаніі Алена Ткачэнка.

Скарачэнне працоўнага тыдня на прадпрыемстве адбылося праз падзенне продажаў.

«Не для каго не сакрэт, што сёння пакупніцкая здольнасць і расейцаў, і беларусаў знізілася, гэта адбілася і на працы нашага прадпрыемства. Бо ў Расеі і Беларусі мы заўсёды прадавалі чатыры адзінкі прадукцыі з пяці. Цяпер, абапіраючыся на факт адгрузкі першых пяці месяцаў года і ацэньваючы абавязковы рост пакупніцкай актыўнасці ў летнім сезоне мы чакаем, што продажы ў 2015 годзе вырастуць адносна цяперашніх паказчыкаў», - заявіла Алена Ткачэнка.

«Зімовае зніжэнне продажаў пацягнула неабходнасць меншай загрузкі вытворчасці. Выбіраючы паміж доўгім перыядам знаходжання ў рэжыме не поўнага працоўнага дня або працоўнага тыдня, як зрабілі многія нашы калегі (сямігадзінны дзень або чатырохдзённы тыдзень на квартал і або больш) і з кароткім спыненнем вытворчасці з аплатай 2/3 і 3-х дзённага працоўнага тыдня на невялікі прамежак часу ў летні перыяд, мы выбралі другі варыянт, бо, уважаем, што ў дачыненні да нашага калектыву ён больш гуманны і прымальны. Службаў продажы і маркетынгу змена рэжыму працоўнага тыдня не датычыцца", - заявіла яна.

У такім рэжыме вытворца жаночай бялізны плануе працаваць блізу месяца.

Нагадаем, праз крызісную сітуацыю ў эканоміцы 80% прадпрыемстваў Беларусі скарацілі працоўны тыдзень.