Кучма заявіў аб планах Крамля разваліць Украіну

Ініцыятыва Масквы ў федэралізацыі Украіны накіраваная на расчляненне краіны, упэўнены другі прэзідэнт Украіны Леанід Кучма.

Пра гэта гаворыцца ў вытрымках з новай рэдакцыі кнігі другога прэзідэнта Украіны Леаніда Кучмы «Украіна - не Расея», апублікаваных у газеце «Голас Украіны».

«Калі Масква заклікае ператварыць Украіну ў федэрацыю, цалкам відавочна, што мэта тут - не дабрабыт, не інтарэсы нашага народа, а будаўніцтва падмурка для развалу Украіны, ператварэння яе ў недзеяздольную, аморфную дзяржаву», - піша Кучма.

Са слоў другога прэзідэнта, некаторыя расейскія палітыкі ўжо агучвалі ініцыятывы адносна падзелу Украіны паміж Польшчай, Вугоршчынай, Румыніяй і Расеяй. Разам з тым, піша Кучма, асноватворнай для Украіны застаецца нацыянальная ідэнтычнасць, жыхары ўсіх рэгіёнаў павінны ўважаць сябе ў першую чаргу ўкраінцамі, што дазваляе будаваць адзіную краіну, піша liga.net.

Нагадаем, нягледзячы на пастаянныя заклікі Расеі да федэралізацыі Украіны, пераважная большасць украінцаў не падтрымліваюць гэтую ідэю. Большасць грамадзян Украіны - больш за 80% - выступаюць за ўнітарную форму праўлення.