Даражэюць пуцёўкі ў беларускія санаторыі

Палепшыць здароўе ў летнія месяцы для грамадзян Беларусі стане больш дорага.

Пра гэта паведаміў дырэктар Рэспубліканскага цэнтра аздараўлення і санаторна-курортнага лячэння насельніцтва пры Савеце Міністраў Генадзь Балбатоўскі, паведамляе БелТА.

Са слоў дырэктара цэнтра, вясной гэтага года быў праведзены аналіз кошту знаходжання ў беларускіх санаторыях. Паводле вынікаў маніторынгу, сярэдні кошт 1 ложка-дня знаходжання паводле пуцёўкі, што самастойна рэалізуюцца здраўніцамі юрыдычным і фізічным асобам (грамадзянам Беларусі), з размяшчэннем у двухмесным аднапакаёвым нумары ў красавіку склала Br391,5 тыс. «Чакаецца, што ў летні перыяд у сувязі са значным павышэннем попыту на паслугі санаторна-курортных і аздараўленчых арганізацый сярэдні кошт 1 ложка-дня ўзрасце прыкладна на 10% у адносінах да кошту ў красавіку 2015 года і дасягне Br432 тыс.», - сказаў Генадзь Балбатоўскі. Дарэчы, найбольшым попытам у насельніцтва карыстаюцца пуцёўкі з працягласцю знаходжання 12-14 дзён.

Генадзь Балбатоўскі адзначыў, што яшчэ адкрыта браніраванне пуцёвак на летні перыяд гэтага года. Набыць пуцёўкі можна праз тураператараў, на сайтах санаторыяў.

Нагадаем, што гэта ўжо другое падаражанне коштаў на пуцёўкі ў беларускія санаторыі за апошнія паўгода. А намеснік міністра спорту і турызму Беларусі Чэслаў Шульга ўжо выказваў занепакоенасць тым, што кошты на адпачынак у нашай краіне неканкурэнтныя ў параўнанні з суседзямі, і прызнаваў, што «далей іх павышаць няма куды».