Карыстальнікі Таджыкістана паведамляюць пра блакаванне сацсетак
4- 29.05.2015, 12:30
- 2,861
Таджыкскія інтэрнэт-карыстальнікі паведамляюць аб абмежаванні доступу да шэрагу вэб-сайтаў і сацыяльных сетак.
У чацвер вечарам у Таджыкістане быў заблакаваны доступ да сацыяльных сетак Аднакласнікі і «ВКонтакте», а таксама да сайтаў таджыкскай службы «Радыё Свабода» і «Asia-plus». У Службе сувязі пры ўрадзе рэспублікі расейскай службы BBC зняпраўдзілі наяўнасць якіх-небудзь указанняў аб блакаванні.
Аднак у Асацыяцыі інтэрнэт-правайдэраў Таджыкістана пацвердзілі інфармацыю аб частковай блакіроўцы з боку некалькіх інтэрнэт-кампаній, але прычыны абмежаванняў невядомыя.
Раней таджыкскія інтэрнэт-правайдэры неаднаразова атрымлівалі сакрэтныя распараджэння ад Службы сувязі, якія абавязвалі кампаніі абмяжоўваць доступ да розных рэсурсаў.
Са слоў кіраўніка Асацыяцыі інтэрнэт-правайдэраў Таджыкістана Асамідзіна Атоева, адной з магчымых прычын блакавання маглі стаць апублікаваныя напярэдадні ў сацсетках звароты зніклага ў канцы красавіка камандзіра таджыкскага АМАП Гулмурода Халімаву.
Напярэдадні ён у сваім відэазвароце абвінаваціў таджыкскія ўлады ў пераследзе мусульман краіны і заклікаў супрацоўнікаў праваахоўных органаў, а таксама таджыкскіх працоўных мігрантаў далучыцца да «ісламскай дзяржавы».
Мясцовыя СМІ паведамлялі са спасылкай на крыніцы ў МУС краіны, што незадоўга да знікнення афіцэр, які ўцёк у Сірыю, збіраў інфармацыю аб дзейнасці ІД, ідэях і структуры арганізацыі.