Саўка і Грышка: Трэба сказаць сенатару Маккейну, каб арыштавалі і хакейных...
2- 29.05.2015, 17:43
- 3,199
Героі Лявона Вольскага Саўка і Грышка адрэагавалі на карупцыйны скандал у ФІФА.
Новую песню публікуе «Радыё Свабода».
Саўка:
Павязалі міліцыянеры
Ад футболу спортфункцыянераў,
А тачнее, людзі з ФБРу
Спорцілі чыноўнікам кар’еру.
Грышка:
Трэ сказаць сэнатару Маккейну,
Каб арыштавалі і хакейных.
Саўка:
У горадзе з названьнем странным «Цюрых»
Паліцаі білі па ліцу іх,
Ну, а можэт і ня білі ўпрочэм.
Всё раўно, ўсё непрыятна очэнь.
Грышка:
Трэба, каб Маккейн сказаў Абаму,
Каб хакей праверылі таксама.
Саўка:
Можэт, і ня білі, не пыталі,
Проста ў аўтазак запакавалі.
І ціпер пашла такая хваля,
Што ня быць в Расіі мундзіалю.
Грышка:
Трэба, каб сказаў хто-небудзь Чэйні,
Каб хакей праверылі хутчэй яны.
Нагадаем, 27 траўня паводле запыту ФБР ЗША ў Цюрыху былі затрыманыя адразу некалькі высокапастаўленых футбольных чыноўнікаў. Усяго паводле справы аб карупцыйных злачынствах праходзяць 14 чалавек, у тым ліку два віцэ-прэзідэнты ФІФА.
У той жа дзень у Швэйцарыі былі заведзены крымінальныя справы ў сувязі з выбарам краін-гаспадынь чэмпіянату свету ў футболе 2018 і 2022 гадоў.
У 2014 годзе ў Менску прайшоў чэмпіянат свету ў хакеі. Праз парушэнні ўладамі Беларусі правоў чалавека і наяўнасці палітвязняў праваабаронцы і міжнародныя арганізацыі выступалі супраць арганізацыі спартыўнага мерапрыемствы. Ідэю пераносу турніру падтрымалі многія еўрапейскія і амерыканскія палітыкі. Аднак прэзідэнт Міжнароднай Федэрацыі ў хакеі Рэнэ Фазэль праігнараваў патрабаванні пераносу мерапрыемства і настаяў на правядзенні ЧС у хакеі ў Менску.