Абама абвясціў Тэхас зонай стыхійнага бедства

Колькасць загінулых у амерыканскіх штатах Тэхас і Аклахома ў выніку віхур і паводак за апошні тыдзень дасягнула 28 чалавек.

Зніклымі без вестак лічацца 13 чалавек, паведамляе ТАСС.

Прэзідэнт ЗША Барак Абама ў пятніцу абвясціў штат Тэхас зонай стыхійнага бедства ў сувязі з віхурамі ды паводкамі, паведаміла прэс-служба Белага дома.

У адміністрацыі прэзідэнта ўдакладнілі, што кіраўнік дзяржавы "загадаў накіраваць федэральную дапамогу для падтрымкі намаганняў штата, акруговых і мясцовых уладаў для аднаўлення раёнаў, пацярпелых ад моцных віхур, тарнада, магутнага ветру і дажджоў, якія не спыняюцца з 4 траўня".

Дапамога федэральнага цэнтра ўключае ў сябе гранты на аднаўленне жытла, пабудову часовых дамоў і на іншыя патрэбы насельніцтва і прадпрымальнікаў, якія панеслі страты праз стыхію ў акругах Харыс, Хейс і Ван Зандт.

Раней амерыканскае інфармацыйнае агенцтва Associated Press паведаміла, што колькасць людзей, якія загінулі ў амерыканскіх штатах Тэхас і Аклахома ў выніку віхур і паводак, за апошні тыдзень дасягнула 28. Паводле яго звестак, 24 чалавекі загінулі ў Тэхасе, чатыры - у Аклахоме. Зніклымі без вестак у Тэхасе лічацца 13 чалавек.

У мястэчку Уортон на поўднёвым усходзе Тэхаса праз павышаны ўзровень вады ў рацэ Каларада былі эвакуяваныя ў мэтах засцярогі жыхары прыкладна 300 дамоў. Насельніцтва Уортон складае амаль 8,5 тысяч чалавек. Чакаецца, што найбліжэйшыя гадзіны ўзровень вады ў рацэ падымецца больш чым на 10 метраў, будуць затопленыя некаторыя вуліцы.

Улады ўжо затопленых гарадоў Тэхаса і Аклахомы па-ранейшаму ўстрымліваюцца ад удакладнення ўчыненай стыхіяй шкоды, маштабы якога амаль штогадзіны павялічваюцца. Паведамляецца пра тысячы пашкоджаных жылых дамоў і гаспадарчых пабудоў, дзесятках тысяч эвакуяваных людзей і сотнях кіламетраў непрыдатных аўтамабільных дарог. Пакуль усе сілы і сродкі кінутыя на прадухіленне новых магчымых чалавечых ахвяр, а таксама на наданне дапамогі людзям.