Беларускі «Дэльта Банк» абвясціў аб банкруцтве

«Дэльта Банк» падаў заяву ў суд аб сваім банкруцтве. Адпаведнае апавяшчэнне атрымалі крэдыторы банка.

Паводле інфармацыі, якая пададзеная крэдыторам банка, «Дэльта Банк» прызнае сябе ўстойліва неплацежаздольным і на падставе гэтага падаў заяву ў суд аб сваім банкруцтве, паведамляе БелаПАН.

Як паведамлялася раней, 12 сакавіка Нацыянальны банк увёў часовую адміністрацыю ў ЗАТ «Дэльта Банк». Пастанова была прынятая Нацбанкам «на падставе аналізу паказчыкаў існай дзейнасці беларускага ЗАТ «Дэльта Банк», а таксама «на фоне негатыўных падзей, якія адбываюцца ў АТ «Дэльта Банк» (Украіна)».

18 сакавіка Нацыянальны банк адклікаў ліцэнзію ў «Дэльта Банка» на банкаўскую дзейнасць. Гэтую пастанову рэгулятар тлумачыў «невыкананнем названым банкам асобных ліцэнзійных патрабаванняў». Акрамя гэтага, Нацбанк паставіў «Дэльта Банку» ў правіну стварэнне «фінансавага становішча, якое пацягнула невыкананне банкам сваіх абавязанняў перад укладчыкамі і іншымі крэдыторамі».

У сувязі з адкліканнем у «Дэльта Банка» ліцэнзіі ў сакавіку была ініцыяваная працэдура гарантаванага вяртання банкаўскіх ашчаджэнняў насельніцтва. Нагадаем, у 2008 годзе ў Беларусі быў прыняты дэкрэт, згодна з якім дзяржава гарантуе ўкладчыкам 100-адсоткавае вяртанне зберажэнняў у выпадку адклікання ў банкаў, якія прыцягваць сродкі насельніцтва, ліцэнзіі на вядзенне банкаўскай дзейнасці.

Прадстаўнікі банкаўскага сектара Беларусі тлумачаць фінансавыя праблемы, якія з'явіліся ў беларускага «Дэльта Банка», вонкавымі прычынамі. Як паведамлялася раней, украінскі «Дэльта Банк», які належыць Мікалаю Лагуну, быў прызнаны ў пачатку сакавіка неплацежаздольным Нацбанкам Украіны.

Варта адзначыць, што Мікалаю Лагуну належыць амаль чвэрць акцый беларускага «Дэльта Банка». Акрамя гэтага, акцыянерам банка выступае нідэрландская структура, якая валодае больш за 75% акцый банка. Колькасць беларускага «Дэльта Банка» перавышае тысячу работнікаў.