На МКС упершыню выпілі сапраўдны эспрэса з кубкаў
3- 4.05.2015, 18:53
- 10,487
На Міжнароднай касмічнай станцыі ўпершыню змаглі выпіць сапраўдны эспрэса з кубкаў Zero-G cup.
Гэтай радаснай навіной падзялілася з борта МКС італійскі астранаўт Саманта Крыстафарэці ў Twitter, паведамляе NEWSru.com.
"Coffee: the finest organic suspension ever devised." Fresh espresso in the new Zero-G cup! To boldly brew... pic.twitter.com/Zw2CllJgzF
— Sam Cristoforetti (@AstroSamantha) maj 3, 2015Вырабленую на яе радзіме для гэтых мэтаў новую кавамашыну ISSpresso даставіў на МКС грузавы карабель Dragon амерыканскай кампаніі SpaceX у сярэдзіне красавіка, паведамляе сайт італійскага аэракасмічнага агенцтва (ASI).
Спажываюць гатовы прадукт з кубкаў пад назвай Zero-G cup, спецыяльна распрацаваных з улікам умоў бязважкасці.
Бортінжынер Саманта Крыстафарэці - першая жанчына-астранаўт ASI, яна знаходзіцца на МКС з 24 лістапада 2014 года. Як паведамлялася, разам з ёй на арбіту тады была дастаўленая экспэрыментальная кавамашына ISSpresso.
Happening NOW in space: @AstroSamantha is brewing the first @Lavazza #ISSpresso aboard @Space_Station @esa pic.twitter.com/BnRmLNH1xM
— ISS Research (@ISS_Research) maj 3, 2015Прыгатаваная з дапамогай гэтай машыны касмічная кава запампоўваецца ў пластыкавы пакет, адкуль яе можна было піць праз саломінку. Аднак навукоўцы палічылі такі спосаб не занадта зручным і стварылі спецыяльны кубак, дзякуючы асабліваму дызайну якога касманаўты атрымалі магчымасць не проста піць сапраўдную каву, але і атрымліваць ад гэтага працэсу амаль такое ж задавальненне, як на Зямлі.
