Менскае метро 9 траўня будзе працаваць да 1.30

Працу менскага метрапалітэна 9 траўня плануецца прадоўжыць да 1.30.

Змены закрануць не толькі працягласць працы метро, але і інтэрвалы паміж прыбыццём цягнікоў. З 20.00 да поўначы цягнікі будуць прыбываць на платформы абедзвюх ліній кожныя 3 хвіліны, а з 00.00 да канца працы - кожныя 12 хвілін. Для таго, каб забяспечыць запланаваны рух цягнікоў, на лініях прадугледзелі па тры рэзервовых электрычкі, паведамляе БелТА.

Падчас самога ўрачыстага ўскладання кветак да помніка Перамогі, станцыю «Плошча Перамогі» часова закрыюць.