Агітцягнік БРСМ прывёз у Менск «палоннага немца» і партрэт Сталіна
42- 5.05.2015, 12:22
- 8,181
Моладзевы агітацыйны цягнік акцыі БРСМ «Кветкі Вялікай Перамогі» прыбыў сёння раніцай на чыгуначны вакзал Менска.
Цягнік на пероне сустракалі тэматычныя пляцоўкі «штаб», «Партызанскі лагер», «Сустрэча з фронту». На пляцоўцы перад вакзалам гуляў аркестр. Паводле інфармацыі арганізатараў, колькасць людзей, якая прыйшла сустрэць цягнік, набліжалася да тысячы, піша «Наша нiва».
Сярод «экспанатаў», прывезеных Агітцягніком ў Менск - партрэт Сталіна і «палонны немец», якога вадзілі па пероне на вяроўцы і са звязанымі рукамі.
Арганізаваны БРСМ рэспубліканскі патрыятычны праект «Кветкі Вялікай Перамогі» падтрымаў Аляксандр Лукашэнка яшчэ ўзімку 2015 на з'ездзе арганізацыі.
Акцыя стартавала 24 красавіка і за гэты час цягнік праехаў па тэрыторыі Беларусі па знакавых мясцінах Вялікай Айчыннай вайны: Асіповічы, Бабруйск, Жлобін, Магілёў, Орша, Віцебск, Ліда, Горадня, Баранавічы, Берасце. Апошні прыпынак акцыі стаў Менск.