Андрэй Касціцын: Калі шчыра, цягне ў НХЛ

Форвард зборнай Беларусі Андрэй Касціцын распавёў аб жаданні вярнуцца ў НХЛ.

Пра гэта спартовец распавёў у гутарцы з журналістам «Прессбола» Вячаславам Федарэнкавым.

- НХЛ успамінаецца як чэшскі маладзёжны «свет» 12-гадовай даўніны - нешта перажытае, але ўжо далёкае?

- Не, тут ўспаміны больш падрабязныя. І, калі шчыра, цягне...

- Што канкрэтна?

- Напрыклад, канадскія пляцоўкі. Яны мне больш па душы: вышэйшая хуткасць, шмат сілавой барацьбы, пастаянна на эмоцыях. Не раскочваюцца пяць хвілін па зоне, як часта бывае ў Еўропе.

- Згодзен з меркаваннем Дацюка, што вярнуцца ў НХЛ, з'ехаўшы ў Еўропу, можа сабе дазволіць толькі гулец калібра Ягра?

- Мабыць. Адвыкаць ад НХЛаўскай хуткасці і тамтэйшага стылю – і ізноў успомніць нялёгка. Але ўсё ж можна: гледзячы як пройдзе для цябе чарговы еўрапейскі сезон. Праявіш сябе - шанец можа з'явіцца.

- «Свет» гэтаму здольны дапамагчы?

- Цалкам. Тут жа натоўп НХЛаўскіх скаўтаў. Зразумела, што яны ў асноўным заточаныя на моладзь. Але і тыя, хто больш дасведчаныя, могуць звярнуць на сябе ўвагу.