Сяргей Маркаў: Беларусь можа паўтарыць лёс Украіны
129- 28.06.2015, 21:11
- 139,923
Прапуцінскі палітолаг незадаволены ростам патрыятычных настрояў у Беларусі.
Старшыня міжкамісійнай рабочай групы міжнароднага супрацоўніцтва і публічнай дыпламатыі ў Грамадскай палаце РФ Сяргей Маркаў адрэагаваў на публікацыі з нагоды адрознення беларусаў ад расейцаў, якія ўсё часцей з'яўляюцца ў СМІ. Свой каментар аб гэтым пытанні ён апублікаваў у запісе ў сацыяльнай сетцы «Фэйсбук».
«Беларусь. Пачала фармавацца ідэалогія літвінскага неанацызму, на ўзор і падабенстве неанацызму ўкраінскага, неабандэраўскага. Ва Украіне і ў Беларусі тэзісы тыя ж: адрозненне ад расейцаў ды ідэя нацыянальнай перавагі. Калі гэтых неанацысцкіх нягоднікаў не спыніць жорстка цяпер, то Беларусь можа паўтарыць лёс няшчаснай Украіны», - напісаў Сяргей Маркаў.