Змены ў Канстытуцыі Украіны не прадугледжваюць адмысловы статус Данбаса
1- 30.06.2015, 16:27
- 16,289
Праект Канстытуцыі ўхвалены Венецыянскай камісіяй.
У Адміністрацыі Пятра Парашэнкі заявілі, што праект Канстытуцыі не прадугледжвае асаблівага статусу для Данбаса. Пра гэта заявіў першы намеснік кіраўніка АП Віталь Кавальчук, паведамляе прэс-служба прэзідэнта Украіны.
"Падкрэсліваю, што ніякага асаблівага статусу для гэтых тэрыторый у праекце Канстытуцыі не прадбачыцца. У прадстаўленай на разгляд прэзідэнту версіі ў пераходных палажэннях толькі згадана, што парадак мясцовага самакіравання ў асобных раёнах Данецкай і Луганскай абласцей вызначаецца законам. Такой была прапанова Венецыянскай камісіі. Нагадаю, што гэты закон - пра асаблівасці самакіравання - ужо дзейнічае, і ніякіх новых асаблівасцяў праект Канстытуцыі не прадугледжвае", - заявіў Кавальчук.
Ён нагадаў, што Канстытуцыйная Камісія ўжо зацвердзіла тэкст змяненняў у Канстытуцыю, якія былі адобраныя Венецыянскай камісіяй. Таксама Кавальчук адзначыў, што ўкараненне змяненняў у дэцэнтралізацыі ў Канстытуцыю пацягне за сабой зацвярджэнне змяненняў блізу 500 заканадаўчых актаў, а ў далейшым змены закрануць таксама сферы правасуддзя і правоў і свабод чалавека.
Раней спікер парламента Уладзімір Гройсман заяўляў, што абмяркоўваць змены ў Канстытуцыю будуць толькі з законна абранымі прадстаўнікамі Данбаса