28 сакавiка 2024, Чацвер, 16:07
Падтрымайце
сайт
Сім сім,
Хартыя 97!
Рубрыкі

Лукашэнка падпісаў сакрэтны ўказ аб прадпрыемствах

34
Лукашэнка падпісаў сакрэтны ўказ аб прадпрыемствах

Дыктатар падпісаў шэраг указаў аб стабілізацыі фінансавага становішча буйных прамысловых прадпрыемстваў краіны.

Згодна з указам №280, Менскаму трактарнаму заводу нададзенае права правесці эмісію аблігацый у суме, якая не перавышае 150 млн даляраў, піша БелаПАН.

У той жа час паводле ўказа №282 Менскі трактарны завод атрымаў права на растэрміноўку да 22 кастрычніка 2015 года ў выплаце запазычанасці па ПДВ у суме 59,5 млрд рублёў.

Пры гэтым ва ўказе сказана, што сродкі, якія з'явіліся ў сувязі з растэрміноўкай, і павінны быць накіраваныя заводам на папаўненне ўласных абаротных сродкаў.

Таксама Лукашэнка падпісаў указ, згодна з якім дзяржпадтрымка надаецца яшчэ аднаму буйному машынабудаўнічаму прадпрыемству - «Гомсельмашу».

Згодна з указам №281 Міністэрству фінансаў даручана выпусціць аблігацыі на суму 425,8 млн даляраў, якія павінны выкупіць камерцыйныя банкі. У адпаведнасці з указам удзельнікам холдынгу «Гомсельмаш» да 1 жніўня са сродкаў рэспубліканскага бюджэту, якія паступілі ад размяшчэння даўгавых папер, павінны быць выдадзеныя бюджэтныя пазыкі ў далярах з штоквартальнай выплатай адсоткаў за карыстанне імі ў суме 7% гадавых.

Згодна з указам, вяртанне бюджэтных пазык будзе праводзіцца з 1 ліпеня 2016 г. да 30 чэрвеня 2022 штогод у сумах не меншых за 50 млн даляраў (у 2016 - не меншых за 25 млн даляраў).

Варта адзначыць, што акрамя згаданых дакументаў Аляксандр Лукашэнка таксама падпісаў указ №284, які носіць напаўсакрэтны характар і прадугледжвае захады, накіраваныя на «стабілізацыю фінансава-эканамічнага стану асобных прамысловых арганізацый».

Восем пунктаў згаданага ўказу маюць грыф «для службовага карыстання».

У адкрытым варыянце названага ўказа ўтрымліваюцца толькі захады, якія прадугледжваюць павелічэнне ўнутранай дзяржпазыкі Беларусі на 9 трлн рублёў. Акрамя гэтага, на 7 трлн рублёў, згодна з указам, плануецца павялічыць дзяржпазыку, гарантаваную ўрадам.

Напісаць каментар 34

Таксама сачыце за акаўнтамі Charter97.org у сацыяльных сетках