Настаўнік з Італіі стаў знакамітасцю праз хатняе заданне
21- 28.07.2015, 16:05
- 26,000
Вось што значыць любіць сваю працу і клапаціцца пра дзяцей.
Італійскі настаўнік Чэзарэ Ката са школы Polo Scolastico Paritario Don Bosco ў прыморскім мястэчку Ферма даў сваім вучням хатняе заданне на лета з 15 пунктаў. І, мабыць, гэта найлепшае, што ён мог для іх зрабіць!
AdMe.ru публікуе хатняе заданне, якое ўжо сабрала дзясяткі тысяч пахвал у сетцы.
- Шпацыруйце ўранку ўздоўж берага мора ў поўнай адзіноце, глядзіце на блікі сонца на вадзе і думайце пра тое, што робіць вас шчаслівымі.
- Старайцеся выкарыстоўваць новыя словы, якія мы вывучылі ў гэтым годзе. Чым больш вы зможаце сказаць, тым цікавей вы зможаце думаць, а чым больш у вас будзе думак, тым вальнейшымі вы будзеце.
- Чытайце! Шмат, колькі зможаце. Але не таму, што вы абавязаны гэта рабіць. Чытайце, бо лета натхняе на мары і прыгоды, а чытанне - гэта як палёт. Чытайце, бо гэта найлепшая форма бунту (за парадай, што менавіта чытаць, прыходзьце да мяне).
- Пазбягайце ўсяго, што прыносіць вам негатыў і адчуванне пустэчы (рэчаў, сітуацый і людзей). Шукайце натхнення і сяброў, якія вас узбагачаюць, якія разумеюць вас і паважаюць такімі, якія вы ёсць.
- Калі вы адчуваеце сум і страх, не хвалюйцеся: лета, як і кожная іншая выдатная рэч у жыцці, можа прывесці душу ў замяшанне. Вядзіце дзённік, апісвайце тое, як адчуваеце сябе (а ў верасні, калі захочаце, мы гэта разам пачытаем).
- Танцуйце і не саромейцеся нічога. Усюды, дзе заўгодна: хоць на танцпляцоўцы, хоць у сваім пакоі ў адзіноце. Лета - гэта танец, і неразумна не браць у гэтым ўдзелу.
- Хоць бы адзін раз схадзіце сустрэць світанак. Стойце моўчкі і глыбока дыхайце. Заплюшчыце вочы і адчуйце падзяку.
- Вельмі шмат займайцеся спортам.
- Калі вы сустрэлі каго-небудзь, хто вам вельмі спадабаўся, скажыце гэта ёй або яму так прыгожа і пераканаўча, як толькі зможаце. Не бойцеся быць незразуметым. Калі нічога не выйдзе - значыць, не лёс, а калі вас зразумеюць і адкажуць, то лета-2015 вы праведзяце разам, і гэта будзе залатым часам. (У выпадку няўдачы вяртайцеся да пункта 8).
- Перачытайце канспекты нашых урокаў: параўнайце усё тое, пра што мы чыталі, з тым, што адбываецца ў вашым жыцці.
- Будзьце такімі ж шчаслівымі, як сонечнае святло, і такімі ж свабоднымі і не прыручанымі, як мора.
- Калі ласка, не лайцеся. Будзьце ветлівымі і добрымі.
- Глядзіце добрыя фільмы з глыбокімі эмацыйнымі дыялогамі (калі можаце, па-ангельску), каб адначасова палепшыць сваю ангельскую мову і развіць здольнасць адчуваць і марыць. Хай кіно не заканчваецца для вас разам з фінальнымі тытрамі, якія пражываюць яго зноў і зноў, уключайце яго ў досвед гэтага лета.
- Лета - гэта магія. У іскрыстым сонечным святле раніцы і гарачымі летнімі вечарамі марце аб тым, якім можа і павінна быць жыццё. Зрабіце усё, што ад вас залежыць, каб ніколі не здавацца на шляху да мары.
- Будзьце добрымі.