Беларусам няма чым выплачваць крэдыты

Праблемная запазычанасць крэдытаў фізічных асоб за 6 месяцаў вырасла на 23,9%.

У Беларусі аб'ём выдадзеных фізічным асобам крэдытаў у нацыянальнай валюце на 1 ліпеня 2015 года склаў Br63,876 трлн, павялічыўшыся на 0,8% за чэрвень пасля росту на 0,3% за травень, паведамляе АФН са спасылкай на Нацбанк.

З пачатку года аб'ём рублёвых крэдытаў вырас на 2,7%.

Праблемная запазычанасць павялічылася на 4,4% за чэрвень пасля зніжэння на 2,8% за травень да Br404,0 млрд. На 1 ліпеня 2015 года. З пачатку года праблемныя крэдыты ў нацвалюце выраслі на 23,9%.

Астатак запазычанасці валютных крэдытаў насельніцтва знізіўся на 13% за студзень-чэрвень 2015 да $55,7 млн (З 2009 года дзейнічае забарона на валютнае крэдытаванне фізічных асоб). Праблемная валютная запазычанасць склала $9,2 млн, знізіўшыся на 10,7% за шэсць месяцаў.

За 2014 аб'ём рублёвых крэдытаў насельніцтву вырас на 17% да Br62,178 трлн, праблемная запазычанасць павялічылася на 29,3% да Br326 млрд. Запазычанасць па валютных крэдытах знізілася за 2013 на 26,7% да $64 млн, праблемная - на 24,8% склала $10,3 млн.