На плошчы Свабоды ў Менску выступалі «байцы НКВД»
81- 4.07.2015, 8:56
- 20,426
На мерапрыемствах, прысвечаных афіцыйнаму «дню незалежнасці», былі заўважаныя людзі ў форме НКВД.
Яны бралі ўдзел у тэатралізаваным паказе, які праходзіў на плошчы Свабоды ў Менску, перадае тэлеканал «Белсат».
Нагадаем, падчас святкавання Дня Перамогі 9 траўня міністр унутраных спраў Беларусі Ігар Шуневіч стаяў у цёмна-сіняй гімнасцёрцы з цвёрдым каўнерыкам, партупеяй, галіфэ з бірузовымі лампасамі, запраўленымі ў боты, і сіняй фуражцы з бірузовай аблямоўкай. Форма такога ўзору была ўведзеная ў 1943 годзе для супрацоўнікаў рабоча-сялянскай міліцыі НКВД. Міністра раскрытыкавалі ў СМІ за яе выкарыстанне.
НКВД быў галоўным выканаўцам масавых палітычных рэпрэсій 1930-х гадоў. Шмат грамадзян СССР, зняволеных у лагеры ГУЛАГа або асуджаных да смяротнага пакарання, было асуджана ў пазасудовым парадку адмысловымі тройкамі НКВД. Таксама НКВД быў выканаўцам дэпартацый паводле нацыянальнай прыкметы.
