Вынікі рэферэндуму ў Грэцыі: 61% прагаласавалі супраць рэформаў і вяртання запазычанасці

Паводле падлікаў бюлетэняў са 100% участкаў, на рэферэндуме ў Грэцыі «не» сказалі 61,31% выбаршчыкаў.

За патрабаванні крэдытораў выказаліся 38,69% тых, хто прагаласаваў. Такі вынік праведзенага народнага волевыяўлення аб'явіла Міністэрства ўнутраных спраў і адміністрацыйнай рэформы Грэцыі, паведамляе РІА «Новости».

Несапраўднымі апынуліся 5,8% бюлетэняў.

Нагадаем, насельніцтва Грэцыі падчас праведзенага ў нядзелю рэферэндуму вызначала, прыняць ураду або адхіліць праект пагаднення, прапанаваны Еўракамісіяй, Еўрапейскім цэнтральным банкам і Міжнародным валютным фондам на пасяджэнні Еўрагрупы 25 чэрвеня. Дакумент крэдытораў складаецца з двух частак - «Рэформы для завяршэння існай праграмы» і «Папярэдні аналіз устойлівасці запазычанасці».

Грэцкі ўрад упэўнены, што падтрымка народам яго пазіцыі на рэферэндуме дапаможа яму хутка падпісаць пагадненне з крэдыторамі.

Кіраўнік Еўрапарламента Марцін Шульц заяўляў, што, калі падчас рэферэндуму грэкі наважаць адмовіцца ад праекта, прапанаванага міжнароднымі крэдыторамі, Афіны будуць вымушаныя выйсці з еўразоны і ўвесці новую валюту.

Раней Афіны пратэрмінавалі выплату МВФ 1,54 млрд еўраў. Акрамя таго, Грэцыя не дамовілася аб прадаўжэнні праграмы дапамогі, што завяршылася 30 чэрвеня. 3 ліпеня Еўрапейскі фонд фінансавай стабільнасці абвясціў аб тэхнічным дэфолце Грэцыі праз невыкананне ёй абавязанняў перад крэдыторамі.

Міжнародныя крэдыторы Грэцыі - ЕС, МВФ і Еўрапейскі цэнтрабанк - настойваюць на скасаванні асаблівых умоў ПДВ для грэцкіх выспаў, павышэнні пенсіённага ўзросту да 2022 года, а таксама на ўвядзенне строгага пакарання для тых, хто датэрмінова выходзіць на пенсію.