Міністр фінансаў Грэцыі падаў у адстаўку
2- 6.07.2015, 9:12
- 9,116
Яніс Варуфакіс заявіў, што сыходзіць у адстаўку для палягчэння працэсу перамоваў уладаў Грэцыі з міжнароднымі крэдыторам.
Заяву аб адстаўцы прыводзіць агенцтва ANA MPA.
«Пасля абвяшчэння вынікаў рэферэндуму мне стала вядома, што ўдзельнікі Еўрагрупы і іншыя партнёры ўважаюць, што мая адсутнасць на перамовах дапамагла б дасягнуць пагаднення. З гэтай нагоды я сыходжу з Міністэрства фінансаў», - заявіў Яніс Варуфакіс.
Раней, 5 ліпеня ў Грэцыі адбыўся рэферэндум. Жыхары краіны прагаласавалі супраць падпісання пагаднення аб выдаванні фінансавай дапамогі Грэцыі міжнароднымі крэдыторамі. Так, супраць выказаліся 61,31% грэкаў. «За» падпісанне аддалі галасы 38,69% насельніцтва краіны.