Гамяльчук спрабаваў з чужым пашпартам узяць некалькі крэдытаў

Перашкодаю для няўдалага крэдытаатрымальніка стала адсутнасць неабходнай сумы для першага ўнёску.

Беспрацоўны мужчына запрасіў да сябе на кватэру прыяцеля. Добра «пагулялі». Калі сябар страціў успрыманне рэчаіснасці, гаспадар кватэры выцягнуў у яго пашпарт. Карыстаючыся тым, што мае з ім знешняе падабенства, пайшоў з чужым дакументам у краму, каб зрабіць вялікія пакупкі, між іншым, мабільны і ноўтбук, піша «Савецкая Беларусь».

Набыць іх меў намер з дапамогай банкаўскіх крэдытаў, якія без праблем можна аформіць сёння ў крамах. Аднак перашкодай для няўдалага крэдытаатрымальніка стала адсутнасць патрэбнай сумы для першага ўнёску. Падчас пошукаў крам мужчына звярнуў на сябе ўвагу і трапіў у поле зроку праваахоўных органаў. Як затым ён прызнаецца следчым, канчатковай мэтай было атрыманне грошай, якія меў намер выручыць пасля рэалізацыі ліквідных пакупак.

- Распачатая крымінальная справа за выкарыстанне заведама фальшывага дакумента, - распавяла афіцыйная прадстаўніца УСК Гомельскай вобласці Марыя Крываногава, - Яе санкцыямі прадугледжана пакаранне ад грамадскіх работ, штрафу, папраўчых работ да абмежавання волі тэрмінам да двух гадоў.

Якое пакаранне будзе ўжытае ў гэтым выпадку, пастановіць суд.