Паліцыя Ерэвана пагражае дэманстрантам ужываннем сілы
5- 6.07.2015, 12:58
- 5,414
Пратэстантам далі час да 12:30.
Паліцыя Арменіі распаўсюдзіла заяву, у якой абвясціла аб намеры «сёння аднавіць рух на праспекце Баграмяна, парушаны цягам двух тыдняў, у тым ліку праз адабранне з тэрыторыі прадметаў, якія перашкаджаюць руху». Пра гэта паведамляе армянская служба «Радыё Свабода».
Паводле паведамлення пратэстоўцам далі час да 12:30 (11:30 па Менску), у адваротным выпадку паліцыя «прыменіць свае паўнамоцтвы». «Паліцыя ў чарговы і апошні раз прапануе ўдзельнікам і арганізатарам акцыі сёння да 12:30 вызваліць праспект Баграмяна. У адваротным выпадку, пачынаючы з 12:30, паліцыя зробіць гэта сама, ужыўшы свае паўнамоцтвы», - гаворыцца ў заяве.
Паліцыя таксама заяўляе, што вышэйзгаданыя дзеянні не накіраваны на спыненне акцыі, калі яна будзе працягнутая на праспекце Баграмяна не на праезжай частцы і не будзе перашкаджаць руху.
Раней удзельнікі акцый супраць падвышэння тарыфаў за электраэнэргію ў Ерэване прыгразілі прасунуць барыкады наперад да прэзідэнцкага палаца 6 ліпеня, калі ніводнае з іх патрабаванняў улады не выканаюць.