Кіраўнік Пентагона падтрымаў перадачу ўзбраення Украіне

Эштан Картэр на слуханнях у Камітэце ўзброеных сіл Сэната ЗША пацвердзіў прыхільнасць да пашырэння вайсковай падтрымкі ўкраінскай стараны.

Міністр абароны ЗША Эштан Картэр не выключае магчымасці выдачы зброі Украіне.

Пра гэта ён заявіў у аўторак, 7 ліпеня, падчас слуханняў у Камітэце ўзброеных сіл Сэната ЗША, паведамляе "Укрінформ".

"Мы разглядаем гэта, аднак мы пакуль не прынялі такой пастановы", - адказаў Картэр на пытанне кіраўніка сэнацкага камітэта Джона Маккэйна, ці плануе адміністрацыя ЗША пастаўляць Украіне смяротную зброю.

Хоць слуханні тычыліся выключна стратэгіі ЗША аб супрацьдзеянні групоўцы Ісламскай дзяржавы, Маккэйн ўсё ж паставіў шэраг пытанняў аб Украіне.

"Вы ўсё яшчэ падтрымліваеце ўзбраенне Украіны ці не? Гэта простае пытанне", - сказаў Маккэйн.

"Так, я не змяніў сваіх поглядаў", - адказаў міністр Картэр.

Нагадаем, падчас слуханняў аб прызначэнні на пасаду кіраўніка Пентагона ў лютым 2015 Картэр пацвердзіў, што ўважае за неабходнае знайсці "магчымасць выдачы Украіне зброі, у тым ліку, смяротнай".

У снежні мінулага года Кангрэс ЗША прыняў, а прэзідэнт Барак Абама зацвердзіў закон пад назвай "Акт у падтрымку свабоды Украіны - 2014". Дакумент падкрэсліваў патрэбу выдачы Украіне істотнай вайсковай падтрымкі, у тым ліку ў выглядзе зброі. У той жа час адміністрацыя ЗША на чале з Абамам, у чыёй кампетэнцыі знаходзіцца гэтае пытанне, пакуль не зацвердзіла такой пастановы.